1. Çfarë janë grupet e përkrahjes? 

• Grupet e përkrahjes të cilat realizohen në departamentin e Psikologjisë, njihen si grupe vetë-ndihmuese, dhe përbëhen nga studentë, të cilët ndajnë sfidat ose përvojat e tyre për një problem specifik, një situatë, ngjarje, ose çështje personale. 

• Grupet e përkrahjes mund të konsiderohen si vend i sigurtë për të trajtuar me ndihmën e njëri- tjetrit shqetësime të ndryshme, duke u nisur nga dilemat ose sfidat aktuale të përkohshme, vështirësitë akademike, deri tek ndryshimet në disponim, frikën, ankthin, stresin, vetë-besimin e ulët, dhe shumë të tjera.

2. Nga kush realizohen? 

• Grupet e përkrahjes realizohen nga studentët, për studentët. 

• Zakonisht grupet inicohen dhe facilitohen nga studentët vullnetarë me përvojë më të gjatë në departament, të cilët shprehin gatishmëri që t’i mbështesin studentët e rinjë. 

• Përkundër se grupet kanë një facilitues, të gjithë anëtarët janë të barabartë dhe mund të marrin këtë rol. 

3.  Kush mund të marrë pjesë në këto grupe? 

• Të gjithë studentët të cilët janë pjesë e departamentit të Psikologjisë, në Universitetin e Prishtinës, në vitin e parë të studimeve Bachelor ose Master.

4.  Si mund ta vlerësoj nëse janë grupet ambiente të përshtatshme për diskutim?

• Facilituesit e grupeve, me fillimin e mbajtjes së grupeve i informojnë të gjithë anëtarët e grupit për rregullat, si dhe i ftojnë ata të kontribuojnë në përcaktimin dhe aprovimin e tyre;

• Në kuadër të rregullave të grupit, facilituesit informojnë pjesëmarrësit për parimet etike, konfidencialitetin, përfshirë rëndësinë e trajtimit me respekt të njeri-tjetrit dhe mos-lejimin e thashethemeve. 

• Gjithësesi grupet janë vetë-ndihmuese, prandaj niveli i diskutimit dhe lloji i informacioneve që ndahen me grupin varet nga vet studentët, gatishmëria e tyre për të diskutuar dhe komoditeti që ata ndjejnë me grupin.

5. Si mund të bëhemi pjesë e grupit? 

• Ftesa për tu bërë pjesë e grupit u dërgohet studentëve në email adresën e universitetit pak kohë pasi që të ketë filluar semestri.

• Bashkë me këtë ftesë e cila dërgohet nga inicuesi i grupit, studentët informohen edhe për orarin e takimeve. 

6.  Si realizohen dhe sa është kohëzgjatja e tyre?  

• Takimet e grupeve të përkrahjes realizohen në mënyrë virtuale. 

• Çasja në këto takime, bëhet vetëm përmes email-adresës së universitetit, në linkun e takimit, i cili u dërgohet studentëve nga inicuesi i takimeve

• Kohëzgjatja e takimeve javore mund  të jetë 45 minuta deri në 1 orë. 

• Në esencë,  facilituesit e grupit takohen me grupin për pesë takimet e para të përjavshme; 

7. Sa grupe janë? 

• Numri i grupeve të përkrahjes mund të ndryshoj dhe varet nga rrethanat aktuale, sidoqoftë secili nga grupet preferohet të ketë, jo më shumë se 5-15 anëtarë për grup. 

8.  Çfarë pritet nga studentet pjesëmarrës? 

• Të kenë gatishmëri për pjesëmarrje në grupe 

• Të kenë të aktivizuar email-adresën e universitetit

• Të kenë paisje elektronike e cila u mundëson çasjen në takimet virtuale të grupit

• Përgjatë takimeve virtuale të kenë mundësi të mbajnë kamerën e hapur dhe të kenë qasje në zërim dhe mikforon i cili u mundëson komunikimin me grupin

• Ti vijojnë me rregull, për aq sa është e mundur takimet e grupit

9. Çfarë pritet të përfitojnë studentët nga pjesëmarrja në grupet e përkrahjes ?

• Grupet e përkrahjës mund t’u shërbejnë studentëve që të shoqërohen, fuqizohen dhe të fitojnë shkathtësi në menaxhimin e zemërimit, stesit, humbjes, të përmirësojnë raportet dhe familjen, të menaxhojnë konfliktet, të përmirësojnë përformancën akademike dhe shkathtësitë sociale; 

• Përmes pjesëmarrjes në grupet e përkrahjes, dhe diskutimit me kolegët, studentët arrijnë ta kuptojnë se nuk janë vetëm, dhe duke biseduar e mësuar për eksperiencat e të tjerëve, e kuptojnë se ka edhe studentë të tjerë të cilët mund të jenë duke u ballafaquar me sfida të njejta ose të ngjajshme; 

• Natyra autonome e këtyre grupeve ofron mundësinë që studentët të zhvillojnë vetë-efikasitetin dhe të ndjehen të fuqizuar

10. A mund të vazhdojnë grupet e përkrahjes pas kohëzgjatjes së rregullt?

• Pas takimit të pestë, studentët mund të vazhdojnë takimin në mënyrë të pavarur, pa praninë e inicuesit të takimeve, derisa inicuesi i takimeve mund t’i ri-takoj kohë pas kohe, dhe  të shprehë gatishmërinë e vazhdueshme që të kontaktohet nga studentët për çfarëdo që ata konsiderojnë se mund t’i mbështesë. Sidoqoftë, mundësia për të vazhduar tutje dhe për rregullat e funksionimit të grupit pas takimit të pesë, diskutohen përgjatë takimeve të grupeve të përkrahjes. 

Shënim:

Pavarësisht se grupet jane vetë-ndihmuese,  inicuesit e grupeve trajnohen paraprakisht nga mentorët (profesorët) në departament për mënyrën e realizimit të takimeve dhe zotohen ti përmbahen rregullave të manualit të zhvilluar nga departamenti, për funksionimin e grupeve.

Inicuesit e grupeve, gjithashtu kanë mbështetjen në adresimin e situatave specifike eventuale nga mbikqyrësit e  tyre më me përvoj në udhëheqjen dhe pjesëmarrjen në grupet e përkrahjes. 

Pse punëtoritë përdorin një model me 3 seanca?

Të mësuarit në #anxietyTOOLBOX, #study skills & #managing emotions përgjatë 3 seancave ju jep kohë të mjaftueshme për t’i mësuar konceptet bashkë me kohën për t’i praktikuar ndërmjet seancave. Mbajtja e punëtorive në tre seanca 50-minutëshe ju mundëson të gjeni kohë në orarin tuaj të ngjeshur për t’i mësuar këto shkathtësi.

Po sikur të më duhen më shumë se 3 javë për ta mësuar modelin?

Nuk jeni të vetëm. Shkathtësitë e mësuara në këto punëtori janë të vështira dhe kërkojnë kohë për t'u përvetësuar. Për këtë arsye, ofrojmë një takim përcjellës që synon të ofrojë mbështetje të mëtejshme në ushtrimin e këtyre shkathtësive.

Po sikur të mos ndihem rehat në grup?

Shumë njerëz ndihen pak të shqetësuar për pjesëmarrjen në një grup. Punëtoritë jane të strukturuara dhe të drejtuara nga kurrikula, si një orë akademike. Nuk ju kërkohet të flisni me tërë grupin nëse nuk ndiheni rehat ta bëni një gjë të tillë. Fasilitatorët respektojnë të drejtën e secilit pjesëmarrës për të ndarë vetëm atë për të cilën ndihen rehat ta ndajnë dhe asnjëherë nuk kërkojnë nga ju të ndani informacione të ndjeshme ose potencialisht turpëruese. 

Çfarë pritet nga studentët pjesëmarësi? 

Të kenë gatishmëri për pjesëmarrje në tri sesionet e punëtorisë dhe takimin konsultativ i cili realizohet pas sesionit të tretë. Pjesëmarrja në të tri sesionet e nje punëtorie është tejet e rëndësishme sepse temat dhe aktivitetet ndërlidhen me njëra tjetrën.  

Pse duhet të bëj detyra të shtëpisë?

Fokusi i punëtorive është në ndërtimin e shkathtësive; për ta arritur këtë qëllim, ushtrimi i rregullt I tyre është esencial. Sa më shumë të praktikoni, aq më shumë mund të kuptoni se po dilni nga kjo punëtori. Detyrat janë për ju dhe vetëm për ju, në shërbim të rritjes tuaj personale. 

Po sikur të mos i kem bërë detyrat e shtëpisë?

Ju inkurajojmë të vini në punëtori pavarësisht nëse keni qenë në gjendje t’i bëni ose jo detyrat e shtëpisë.. Ne mund t'ju ndihmojmë të punoni në shembujt kur shqyrtohen detyrat e shtëpisë.